அமீரகத்திலிருந்து சுப.வீ.க்கு ஒரு கடிதம்

ஐயா சுப.வீரபாண்டியன் அவர்களுக்கு,

வணக்கம். நான் விசயகுமார், அமீரகத்திலிருந்து எழுதுகிறேன். வயது- 30. பொருளாதாரக் காரணம் தமிழகத்தில் இருந்து அரபு நாட்டில் புலம்பெயர்ந்து வாழ்கிறேன்.

பெரியார் திடலில் ஆற்றிய தங்களின் உரையின் காணொளியினை குமுதம் தளத்தில் கண்டேன். கீற்று தளத்தில் விஜயகுமார் என்பவர் எழுதிய கட்டுரைக்கு சில மளுப்பல்களை சொல்லி இருந்தீர்கள். என் பெயரும் விசயகுமார்தான். கட்டுரையையும் காணொளியையும் ஒப்பிட்டுப் பார்த்ததில் எனக்கு ஏற்பட்ட வினாக்களை உங்களிடம் பகிர்கிறேன்.

நான் 10 ஆம் வகுப்பு படித்துக் கொண்டிருந்த 94 -95 காலகட்டம், ஈழம் என்றால் என்னவன்றே தெரியாத வயது. தினசரிகளில் தமிழ்த் திரைச்செய்திகள் வானொலிகளில் திரைப்பாடல்கள் மட்டுமே பார்க்கும் கேட்கும் இளைஞர்களில் நானும் ஒருவன். அன்று ஒருநாள் தவறி ஒரு அரசியல் செய்தியை பார்த்து விட்டேன்.

வைகோ-ஈழத்தமிழர்களுக்கு இரத்தம் கொடுத்தார் என்பதுதான் அந்தச் செய்தி. அப்பொழுது என்னுள் ஒரு கேள்வி எழுந்தது அது என்ன ஈழத்தமிழர்? பல பெரியவர்களிடம் வினவினேன் அதைப்பற்றி அவர்களுக்கு தெரியவில்லை, தெரிந்து கொள்ளவும் முயற்சிக்கவில்லை. பின்பு விடுப்பு முடிந்து பள்ளி சென்றபோது விடுதிக் காப்பாளரிடம் வினவியபோது, அந்த மெத்தப்படித்த மேதாவி, ராமேசுவரத்திற்கு தெற்கே கடலுக்குள் உள்ள இலங்கையை பிரபாகரனும் இங்கிருந்து சென்ற பிழைப்பு தமிழர்களும் துண்டாடுகிறார்கள் என்று ஒரு தவறான தகவலை சொன்னார். மேலும் படிக்க இங்கே அழுத்தவும்

பார்வதி அம்மாளுக்கு இந்திய அரசால் விதிக்கப்பட்டுள்ள நிபந்தனைகள் என்னென்ன..?

பிரபாகரனின் தாயார் பார்வதி அம்மாள் தமிழக முதல்வர் கருணாநிதிக்கு அனுப்பி வைத்த கோரிக்கை மனுவை பரிசீலிக்கும்படியும், சில நிபந்தனைகளுடன் அவர் தமிழ்நாட்டில் சிகிச்சை பெற அனுமதிக்க சிபாரிசு செய்யப்பட்டுள்ளதாக தமிழக துணை முதல்வர் மு.க.ஸ்டாலின் சட்டப் பேரவையில் தெரிவித்திருந்தார்.

பார்வதி அம்மாளுக்கு விதிக்கப்படவுள்ள நிபந்தனைகள் என்னென்ன என்பது பற்றியத் தகவல்கள் இப்போது கசிந்துள்ளன. மேலும் படிக்க இங்கே படிக்கவும்

நாடு கடந்த தமிழீழ அரசிற்கான கனேடியப் பிரதிநிதி பொன் பாலராஜனுடனான பேட்டி

நடந்து முடிந்த தேர்தல் வெற்றி குறித்து உங்கள் கருத்து...

முதலில் என்னை வெற்றி பெறச் செய்தமைக்காக வாக்காளர்களுக்கு எனது மனமார்ந்த நன்றியினை சொல்லிக் கொள்கிறேன். பல்வேறு சவால்களைத் தாண்டி இவ் வெற்றியினை எனக்குப் பெற்றுத் தந்துள்ளீர்கள். உங்கள் பரப்புரைகளும் பரிந்துரைகளும் இவ் வெற்றிக்கு உறுதுணையாகின.

உங்களில் பலர் நான் போட்டியிட்ட தேர்தல் மாவட்டத்தில் இல்லாத போதும் எனது வெற்றியை உறுதிப் படுத்துவதற்காகப் பாடுபட்டீர்கள். நான் எந்த ஒரு சந்தர்ப்பத்திலும் சந்திக்காதவர்கள் பலர் என்னை அழைத்து எனக்கு ஆதரவு தெரிவித்துக் கொண்டமையும், அதற்கு அவர்கள் சொன்ன காரணங்களும் என்னை நெகிழ்வித்துக் கண்களைக் கலங்க வைத்தன.

நீங்கள் அனைவரும் என் மீது வைத்திருக்கும் நம்பிக்கை வீண் போகாது என்ற உறுதியுடன் மீண்டும் மனமார்ந்த நன்றியினை உங்களுக்குச் சொல்லிக் கொள்கிறேன். மேலும் படிக்க இங்கே அழுத்தவும்

கருணாநிதியிடம் கருணை இல்லை; நிதி மட்டுமே இருக்கிறது : ஈழவேந்தன்

கடந்த 2ம் திகதி நடைபெற்ற நாடு கடந்த தமிழீழ அரசிற்கான தேர்தலில் கனடாவிலிருந்து வெற்றி பெற்றுள்ள திரு. ஈழவேந்தன் அவர்களை ஈழம்வெப் இணையத் தளத்திற்காக பேட்டி கண்டோம். தேர்தல் வெற்றி, அடுத்த கட்ட நடவடிக்கைகள், இந்திய நிலைப்பாடு உள்ளிட்ட பல விடயங்கள் குறித்தும் அவர் தெரிவித்த கருத்துக்கள் இவை:

உங்கள் வெற்றி குறித்து உங்கள் கருத்து

மிகக் குறுகிய காலமாகக் கனடாவில் வாழும் என் மீது அன்பைப் பொழிந்து எனது கருத்துக்களிலும் கொள்கையிலும் நம்பிக்கை வைத்து வாக்களித்த மக்களுக்கே இந்த வெற்றி சென்றடைய வேண்டும். என்மீது நம்பிக்கையுடன் வாக்களித்த தமிழ் மக்களின் பிரதிநிதியாய் பணி செய்வேன். நான் பணி செய்யும் காலத்தில் கூர்மையாக இருந்தால் பாவிக்கலாம், என்னை மொட்டையெனக் கருதினால் தீட்டிப் பயன்படுத்தலாம், கறள் என்றால் தூக்கி வீசலாம் என என் வாக்காளார்களுக்குத் தெரியப்படுத்துகிறேன்.

நாடு கடந்த அரசின் முன்னால் இருக்கும் முக்கிய பணிகள் பற்றி…

நாடு கடந்த அரசின் முன்னால் உள்ள பணிகளைப் பற்றிக் கதைக்க முன்னர் நாடு கடந்த அரசு அமைக்கப்பட்டுள்ளது என்பதே ஒரு பெரிய வெற்றி எனக் கருதுகிறேன்.மேலும் படிக்க இங்கே அழுத்தவும்

மரணத்தை வென்ற மாவீரன்

இதோ தற்கொலை செய்து கொண்டார், அதோ சுனாமியில் இறந்தார், இதோ சுடப்பட்டார், அதோ உடல் கிடைத்தது, இதோ தப்பிக்க முயன்றார், அதோ கடலில் வாய்க்காலில் கிடந்தார், இதோ என் கனவில் வந்தார், அதோ என் வீட்டருகே வந்து விட்டார், ஐயகோ, உண்மையில் வந்து விடுவாரோ, வந்தால் என்ன செய்வது??????

இது தான் நண்பர்களே ஒரு மனிதனின், ஒரு மாவீரனின், ஒரு விடுதலைப் போராளியின் பொய்யான மரணம் உலகிற்கு உணர்த்திய பாடம், எதிரிக்குத் தருகின்ற அச்சம். உலகின் மிகப் பெருமை வாய்ந்த தமிழ் அறம் சார்ந்த வழியில் தன் மக்களின் விடுதலைப் போராட்ட வரலாற்றை ஒரு இனத்தின் சித்தாந்தமாக மாற்றிக் காண்பித்த மாவீரன் மரணம் அடைந்தான் என்கிற கட்டுக் கதையோ அல்லது உண்மையோ எனக்குள் ஒரு போதும் வருத்தத்தை விளைவிக்கவில்லை. அதற்கு அவர் செயற்கையாக மரணித்தது மட்டும் காரணம் இல்லை, அதைத் தாண்டி ஒரு தெளிவான பார்வையும் இருக்கிறது, உங்களுக்கும் அது இருக்க வேண்டும் என்கிற நோக்கிலேயே நீண்ட நாட்களுக்குப் பிறகு இந்தக் கட்டுரை எழுதுவதற்கான ஒரு தேவை உருவானது. மேலும் படிக்க இங்கே அழுத்தவும்

8000 பேரை பலி கொண்ட போபால் கொடுமையும் ராஜீவ் மரணமும்

ஈழத் தேசியத் தலைவர் பிரபாகரன் தாயார் 80 ஆவது வயதில் கடும் நோயால் பாதிக்கப்பட்டு தமிழகத்துக்கு சிகிச்சைக்கு வந்தால் ‘விடமாட்டோம்’ என்கிறார்கள். தமிழ்நாடு என்ன, கண்டவர்கள் நுழையும் ‘தர்ம சத்திரமா’ என்று பார்ப்பனத் திமிரோடு கேள்வி கேட்கிறார், சுப்ரமணியசாமி. இந்த எதிர்ப்புகளுக்கு முன் வைக்கப்படும் காரணம் என்ன? ராஜீவ் கொலை!

ஈழ விடுதலைப் போராட்டத்தையே ராணுவத்தால் ஒடுக்கிட அனைத்து உதவிகளையும் செய்தது சோனியா, மன்மோகன் ஆட்சி! காரணம் என்ன சொல்லப்பட்டது? அதே ராஜீவ் சாவுதான்! 19 ஆண்டுகள் சிறைவாசம் முடிந்த பிறகும் நளினியை விடுதலை செய்யக் கூடாது. அவர் மரணத்தை சந்திக்கும் வரை சிறைக்குள்தான் இருக்க வேண்டும் என்று டெல்லி சோனியா வட்டாரமும், தமிழக போலி கதர்ச்சட்டை ‘கனபாடிகளும்’ கூப்பாடு போடுகிறார்கள். கலைஞர் கருணாநிதியின் தி.மு.க. ஆட்சி அதற்கு தண்டனிட்டு பணிந்து போய் கிடக்கிறது. சொல்லப்படும் காரணம் என்ன? ராஜீவ் கொலை செய்யப்பட்டார் என்பதுதான்!

ராஜீவ் கொலை 1991 ஆம் ஆண்டு நடந்தது. 20 ஆண்டுகள் உருண்டோடி விட்டன. ராஜீவ் ஈழத்துக்கு அனுப்பி வைத்த இந்திய ராணுவம், அங்கே பல்லாயிரக்கணக்கான தமிழர்களை படுகொலை செய்து, தமிழ்ப் பெண்களையும் பாலியல் வன்முறைக்கு உள்ளாக்கியது. ராஜீவ் அனுப்பிய ராணுவத்தால் படுகொலை செய்யப்பட்ட ஆயிரக்கணக்கான தமிழர்களின் உயிர்களும் ராஜீவ் உயிரைப் போல் முக்கியமானதுதான். ராஜீவ் மரணத்துக்குப் பிறகு அவரது மனைவி சோனியா, இந்தியாவின் அதிகாரத்தைக் கைப்பற்றி விட்டார். ராஜீவின் மகனை அடுத்த பிரதமர் பதவிக்கு தயார் செய்து வருகிறார்.

ராஜீவ் கால காங்கிரசில்கூட அவருக்கு கட்சிக்குள் எதிர்ப்பு அணிகள் இருந்தது உண்டு. சோனியாவோ ராஜீவையும் மிஞ்சி தனது கட்சியை முழுக் கட்டுப்பாட்டுக்குள் கொண்டு வந்துவிட்டார். அமைச்சரவை முடிவுகள் ஏதுமின்றியே தன்னிச்சையாக தனது ஆணைக்குட்பட்ட ‘மலையாள அதிகாரக் கும்பல்’ ஒன்றை அமைத்துக் கொண்டு, அதன் வழியாக ஈழத்தில் இனப்படுகொலைகளுக்கு திட்டம் தீட்டித் தந்து ஒரு விடுதலைப் போராட்டத்தையே சீரழித்து விட்டார். கேட்டால் ராஜீவ் கொலை செய்யப்பட்டாரே என்று கூறுகிறார்கள்.

ஆனால், இதே காங்கிரஸ் ஆட்சியில், போபாலில் என்ன நடந்தது? யூனியன் கார்பைடு என்ற அமெரிக்க நிறுவனத்தின் ரசாயன தொழிற்சாலையிலிருந்து வெளியேறிய விஷவாயுவால் பல்லாயிரம் மக்கள் பிணமானார்களே; லட்சக்கணக்கான மக்கள் உடல் ஊனமானார்களே; அவர்களின் கதி என்ன? ராஜீவ் உயிருக்காக மட்டும் குடம் குடமாக 20 ஆண்டுகளாக கண்ணீர் வடிக்கும் காங்கிரஸ் கட்சி, பாதிக்கப்பட்ட அந்த ஏழை எளிய மக்களுக்கு, 25 ஆண்டுகாலத்துக்குப் பிறகாவது நிவாரண உதவிகளைப் பெற்றுத் தந்ததா? ராஜீவ் உயிர் மட்டும்தான் உயிரா? மற்ற மனித உயிர்கள் எல்லாம் இவர்களுக்கு மயிருக்குச் சமமா? மேலும் படிக்க இங்கே அழுத்தவும்

“தீவிரவாதிகளை தூக்கலிடக் கூடாது. உயிருடன் வைத்திருந்து சித்ரவதை செய்ய வேண்டும்” – நடிகை மீனாட்சி ஆவேசம்..!

“நாட்டில் தீவிரவாதச் செயல்களில் ஈடுபடும் பயங்கரவாதிகளை உடனேயே தூக்கில் போட்டு விடக்கூடாது.. அவர்களை உயிருடன் வைத்திருந்து சிறுகச் சிறுகச் சித்ரவதை செய்ய வேண்டும்” என்று நடிகை மீனாட்சி கருத்து தெரிவித்துள்ளார்.

‘கருப்பசாமி குத்தகைதாரர்’, ‘டாக்ஸி நம்பர் த.நா.4777’, ‘ராஜாதிராஜா’, ‘அகம்புறம்’ ஆகிய படங்களில் கதாநாயகியாக நடித்தவர் நடிகை மீனாட்சி. தற்போது கரு.பழனியப்பன் இயக்கத்தில் ‘மந்திரப்புன்னகை’ படத்தில் ஹீரோயினாக நடித்து வருகிறார்.

மும்பையில் கடந்தாண்டு நடைபெற்ற பயங்கரவாதத் தாக்குதலின்போது உயிருடன் பிடிபட்ட கசாப்பிற்கு தூக்குத் தண்டனை விதிக்கப்பட்டுள்ளது குறித்து தனது `பேஸ்புக்` பக்கத்தில் மீனாட்சி கருத்து தெரிவித்துள்ளார்.
மேலும் படிக்க இங்கே அழுத்தவும்

ராஜீவ் கொலை - நளினி விடுதலை - தடை என்ன?

ராஜீவ் காந்தி கொலைவழக்கில் தண்டிக்கப்பட்டு சிறையில் அடைக்கப்பட்டுள்ள நளினியை விடுவிக்க வேண்டும் என்ற சட்ட நடவடிக்கை தற்போது சூடுபிடித்துள்ளது. இந்த விவகாரத்தில் பெரும்பாலான இந்தியர்கள், நளினியை விடுதலை செய்யக்கூடாது என்ற கருத்துடையவர்கள் என்று மீடியாக்கள் கூறுகின்றன.

நளினியை விடுவிப்பதில் அரசியல் ரீதியான தடையைவிட, சட்டரீதியான தடையைவிட உளவியல் ரீதியான தடையே மிகுந்த முக்கியத்துவம் வகிக்கிறது. நளினியை விடுதலை செய்யவேண்டும் என்று கருத்து தெரிவிப்பவர்களுக்கு தேசவிரோதி, தீவிரவாதி என்பது போன்ற முத்திரைகள் குத்தப்படலாம் என்பதாலேயே இந்த பிரச்சினையில் கருத்து கூறுவதற்கு பலரும் தயங்குகின்றனர்.

ராஜீவ் காந்தியை கொலை செய்ததை நியாயப்படுத்தியும், நளினியை தண்டித்தது தவறு என்றும் நாம் வாதிடுவதாக பொருள் கொள்ள வேண்டிய அவசியமில்லை. ஆனால் ராஜீவ் காந்தி கொலை வழக்கில் சிறையில் அடைக்கப்பட்டுள்ள நளினியை விடுவிக்கவே கூடாது என்று கருதுவதிலும், அக்கருத்தை பரப்புவதிலும் உளவியல் ரீதியான சிக்கல்கள் இருக்கின்றன.

இந்த உளவியல் ராஜீவ் காந்தி கொலை வழக்கு மற்றும் நளினி ஆகியோர் மட்டுமே தொடர்புடையது அல்ல. இந்த உளவியல் சமூகத்தின் அனைத்து பிரச்சினைகளிலும் பிரதிபலிக்கும்போது அது அனைத்து இந்தியர்களின் மனித உரிமைகளுக்கும் எதிராக செயல்படுகிறது. அதாவது பொதுமக்களின் நலன்களுக்கு எதிரான உளவியல் பொதுமக்களிடமே இருக்கிறது என்பது சுவாரசியமான ஆனால் கவலைக்குரிய உண்மை.

விரிவாகப் பார்ப்போம். மேலும் படிக்க இங்கே அழுத்தவும்

தமிழா! இன்னுமா நீ உறங்குகிறாய்?

வங்கக் கடல் மீது

தங்கத் தமிழ் மகனை

சிங்களத்து வெறிநாய்

சங்கறுத்துக் கொல்கிறது

தமிழா! இன்னுமா நீ உறங்குகிறாய்?

வலைவீசி மீன்பிடிக்க

அலைமீது சென்றவனின்

தலைமீது குண்டுவீசும்

கொலைச் செயலும் நடக்கிறது.

தமிழா! இன்னுமா நீ உறங்குகிறாய்?



நாவாய் படைநடத்தி

நாடுகளை வென்ற இனம்

நாள்தோறும் அகதிகளாய்

நாடிழந்து வருகிறது.

தமிழா! இன்னுமா நீ உறங்குகிறாய்?

ஆடையை உலகுக்கு

அறிமுகம் செய்தவனை

ஆடையவிழ்த்து அம்மணமாய்

அடித்து சுட்டுக் கொல்கிறான்

தமிழா! இன்னுமா நீ உறங்குகிறாய்?



-சிப்பிக்குள் முத்து, கடையநல்லூர்

நடிகர் சிம்புவின் தங்கை தமிழ் இலக்கியாவுக்கு ரகசியத் திருமணம்

நடிகரும், இயக்குநருமான விஜய டி.இராஜேந்தர் தனது மகள் தமிழ் இலக்கியாவிற்கு காதும், காதும் வைத்தாற்போல் நெருங்கிய உறவினர்கள் மத்தியில் திருமணம் செய்து வைத்திருப்பதாக கோடம்பாக்கத்தில் ஹாட் நியூஸ் பரவியுள்ளது.

டி. இராஜேந்தரின் ஒரே பெண்ணான தமிழ் இலக்கியாவின் திருமணம் இப்படி ரகசியமாக நடந்து முடிந்திருப்பதைக் கேள்விப்பட்டு திரையுலகமே ஆச்சரியத்தில் மூழ்கியிருக்கிறது. டி.ஆரா இப்படிச் செய்தார் என்று..? கொண்டாட்டமாக நடந்திருக்க வேண்டியதாச்சே.. டி.ஆர். இதற்கு எப்படி ஒத்துக் கொண்டார் என்று தெரியவில்லை..மேலும் படிக்க இங்கே அழுத்தவும்

தமிழீழ விடுதலைப்புலிகள் இயக்கம் தனது 38-வது அகவையைத் தொட்டது

தமிழீழ மக்களின் அடையாளமாகவும், தமிழர்களை தனிப் பெரும் சக்தியாக உலகிற்கு அடையாளப்படுத்திய அமைப்பாகவும் விளங்கும் தமிழீழ விடுதலைப்புலிகள் அமைப்பு கடந்த மே 5-ம் தேதியன்று 38-வது அகவையில் கால் பதித்தது. 1972-ம் ஆண்டு மே 5-ம் தேதிதான், புலிகள் இயக்கம் தொடங்கப்பட்டது.

தமிழர்களிற்கென தனியான ஒரு தேசத்தையும், அதற்கான அரச கட்டமைப்பும் திறம்பட வைத்து உலகின் பார்வையைத் தம்மகத்தே மூன்றாவது ஈழப் போரின்போது திருப்பிய தமிழீழ விடுதலைப்புலிகள் உலக படை வரலாற்றில் பல நிகழ்வுகளிற்கு முன்னூதரணமாகத் திகழ்ந்தவர்கள்.

உலக வல்லரசுகளின் இராணுவப் படிமுறைகளிற்கும் வரையறைகளிற்கும் சவாலாக விளங்கிய பல சிறந்த தாக்குதல்களின் மூலம் உலகின் பார்வையைத் தம்மகத்தே திருப்பிய விடுதலைப்புலிகளின் போராட்ட வரலாற்றில் ஓயாத அலைகள் தாக்குதல்கள் போராட்டத் தந்திரோபாயங்களையெல்லாம் புரட்டிப் போட்ட மரபு வழித் தாக்குதலாக உலக வரலாற்றில் பதிவு செய்யப்பட்டது.

அத்தோடு எதிரி உச்சவிழிப்பில் இருந்து எதிர்பார்த்துக் காத்திருந்த ஆனையிறவு இராணுவத் தளம் மீதான முப்பரிமாணத் தாக்குதலை தமது திட்டமிடலின்படியே நடத்தி மூன்று மாத காலத்தில் படைகளை அகற்றி உலகில் தமக்கெனத் தனி அங்கீகாரம் பெற்றார்கள் விடுதலைப்புலிகள்.

அத்தோடு பல முறியடிப்புச் சமர்கள் குறிப்பாக யாழ். தேவி முறியடிப்புச் சமர், சூரியக்கிரன முறியடிப்புச் சமர், ஜெயசிக்குறு எதிர்ச்சமர், தீச்சுவாலை முறியடிப்புச் சமர் என பல முறியடிப்புச் சமர்களின் மூலம் தமது தற்காத்தல் போராட்ட முறையை உலகிற்குப் பாடவிதானமாக்கிய விடுதலைப்புலிகளின் ஜெயசிக்குறு எதிர்ச்சமர் 18 மாதங்களாக நீடித்த ஒரு பாரிய சமராக வரலாற்றில் பதிவு செய்யப்பட்டது.

முப்படைகளையும் அதற்கான சிறந்த ஒழுங்கமைக்கப்பட்ட கட்டுமாணத்தோடு உருவாக்கிய தமிழீழ விடுதலைப்புலிகள் அவற்றிற்கான தனிச்சீருடைகள், முகாம்கள் என அவற்றைப் பராமரித்ததோடு அவற்றின் சண்டையிடும் திறன் மூலம் இந்தியப் பிராந்தியத்திற்கே படைபல அச்சமேற்படுத்தும் படையணிகளாக அவற்றை சிறீலங்கா மற்றும் அவற்றின் நேச நாடுகள் நோக்குமளிவிற்குப் பேணிப் பாதுகாத்தனர்.

இராணுவப் படைக் கட்டுமாணத்தின் கீழ் பல சிறப்புப் படையணிகளைக் கொண்டிருந்த விடுதலைப்புலிகள் ஜெயந்தன் படையணி, சிறுத்தைப் படையணி, மகளீர் படையணி, சார்லஸ் அன்ரணிப் படையணி, மோட்டார்ப் படையணி, ஆட்லறிப் படையணி, டாங்கிப் படையணி என இன்ன பல பிரிவுகளையும் திறம்படச் செயற்படுத்தி வந்தனர்.

குறிப்பாக ஈழப் போர் நான்கில் தமிழீழ தேசப் படையணிகள் முழுப் பரிமாணம் பெற்றதற்கான அடையாளமாக உலகை அதிர்ச்சிக்குள்ளாக்கிய வான்புலிகளின் தோற்றமும் அவற்றின் செயற்பாடும் மிக நேர்த்தியாக தாக்குதல்கள், உச்ச இலக்குகள், இலாவகமாகத் திரும்பித் தளமடையும் செயற்திறன் என ஒரு வான்படைக்கான அங்கீகாரத்தை அதற்கு வழங்கியிருந்தது.

போராட்டத்தின் பெயர் சொல்லவல்ல 70-க்கும் மேற்பட்ட சிறந்த தளபதிகளைக் கொண்டிருந்த தமிழீழ விடுலைப்புலிகளின் போராட்ட வரலாற்றின் பின்னடைவிற்கான காரணகர்த்தாவாக பேச்சுவார்த்தைக் காலத்திலான சர்வதேச மயப்படுத்தலும். உள்ளக சதிகளும் இடம்பெற்றிருந்தன.

ஆயுதங்களை மௌனிப்பதாக முள்ளிவாய்க்கால் இறுதிச் சமரில் அறிவிக்கும்வரை கொண்ட கொள்கை மீதான பற்றுறுதியுடன் போராடிய தமிழர்களின் போராட்ட சக்தி தோற்றம் பெற்ற நாள் தமிழர்களின் வாழ்வில் ஒரு முக்கியமான நாளாகும்.

ஒரு சாமானியத் தமிழனின் மனம் திறந்த மடல்

இலங்கையில் சிங்கள இனவெறி அரசின் கொடுந்தாக்குதல்களுக்கு ஆளாகி ஈழத் தமிழ் மக்கள் கடந்த பல்லாண்டுகளுக்கும் மேலாக அனுபவித்து வரும் சொல்லொணாத் துயரங்களையும் எதிர்கொண்டு வரும் இன்னல்களையும் நாடறியும். தாங்களும் அறிவீர்கள்.

தமிழகத்தில் இச்சிக்கல் குறித்து அக்கறையுடைய அரசியல் கட்சிகளும், அமைப்புகளும் அவ்வப்போது நடத்திய போராட்டங்கள், அனுப்பிய கடிதங்கள், மனுக்கள், இவை எல்லாவற்றுக்கும் மேலாக தமிழக சட்டமன்றமே அனைத்துக் கட்சிகளும் ஒன்றுபட்டு ஒரு மனதோடு நிறைவேற்றி அனுப்பி வைத்த தீர்மானங்களும் தங்களின் மேலான பார்வைக்கு வந்திருக்கும் என நம்புகிறோம்.

எனினும், இலங்கையில் இன ஒழிப்புத் தாக்குதல் உச்ச கட்டத்தை அடைந்துள்ள இந்த நிலையிலும் தாங்கள் இலங்கை அரசை போர் நிறுத்தம் செய்யக் கோரவில்லை என்பதும், அளித்து வரும் ராணுவ உதவிகளையும் படைப் பயிற்சிகளையும் நிறுத்தவில்லை, ஏற்கெனவே அனுப்பி வைத்துள்ள படைக் கருவிகளையும் பயிற்சியாளர்களையும் திரும்பப் பெறவில்லை என்பதும், மாறாக இலங்கை அரசின் தமிழின அழிப்புப் போரை ‘பயங்கரவாதத்துக்கு எதிரான போர்’ என்பதாகச் சித்தரித்து இப்போர் தொடரும் என அறிவித்திருப்பதும் தமிழக மக்களை பெரும் அதிர்ச்சிக்கும் வேதனைக்கும் உள்ளாக்கியிருக்கிறது.

தென்னாப்பிரிக்க வெள்ளை நிறவெறி அரசுக்கு எதிரான கருப்பின மக்களின் விடுதலைப் போராட்டத்தை ஆதரித்த இந்திய அரசு, பாலஸ்தீன விடுதலையை, அங்கோலா நமீபிய விடுதலையை, ஏன் இந்தியத் துணைக் கண்டத்துக்குள்ளேயே பாகிஸ்தானுக்கு எதிரான பங்களாதேச விடுதலையை ஆதரித்த இந்திய அரசு தமிழீழ மக்களின் விடுதலைப் போராட்டத்தை மட்டும் ஆதரிக்க மறுப்பது ஏன், ஆதரிக்க மறுப்பதோடு மட்டுமல்ல, மாறாக, அப்போராட்டத்துக்கு எதிராகச் செயல் பட்டு தமிழின அழிப்புப் போரை நடத்தி வரும் சிங்கள அரசுக்கு உதவி வருகிறதே இந்த அளவுக்கு ஈழ மக்கள் செய்த பாவம்தான் என்ன என்கிற கேள்வியையும் உணர்வுள்ள தமிழக மக்கள் ஒவ்வொருவர் மத்தியிலும் எழுப்பி வருகிறது.மேலும் படிக்க இங்கே அழுத்தவும்

துயிலும் இல்லங்களை அழிப்பது தமிழ் சமூகத்தை அந்நியப்படுத்துவதற்கே வழி கோலும் : த கார்டியன்

தமிழீழ விடுதலைப் புலிகளின் மாவீரர் துயிலும் இல்லங்களை `புல்டோசர்` கொண்டு அழிப்பதும், போர் குறித்த நினைவுகளை மறக்குமாறு மக்களை வற்புறுத்துவதும் தமிழ்ச் சமூகத்தை மேலும் அந்நியப்படுத்துவதற்கே வழிகோலும் என்பதுடன் இனநல்லிணக்கத்திற்கும் குந்தகத்தை ஏற்படுத்தும் என பிரித்தானியாவின் முன்னணி பத்திரிகையான `த கார்டியன்(The Guardian) தெரிவித்துள்ளது.

த கார்டியன் பத்திரிகையின் இணையத் தளத்தில் ஆய்வாளரான மாலதி டி அல்விஸ்(Malathi de Alwis) என்பவர் எழுதியுள்ள கட்டுரையிலேயே இவ்வாறு தெரிவிக்கப்பட்டுள்ளது.

`ஐக்கிய மக்கள் சுதந்திர முன்னணி அரசின் முக்கியமான விடயங்களாக அபிவிருத்தியும், இனங்களுக்கு இடையிலான நல்லிணக்கமும்தான் இருப்பதாக சிறிலங்கா ஜனாதிபதி மகிந்த ராஜபக்ச கூறுவதைக் கேட்கும் போது புத்துணர்ச்சியும், நம்பிக்கையும் எழுகின்றது. ஆயினும், அனைத்து அதிகாரங்களையும் தன்னகத்தே கொண்டுள்ள ஒரு அரசாங்கத்தினால் அபிவிருத்தியும், நல்லிணக்கமும் அந்த மக்கள் மீது திணிக்கப்படக் கூடாது.மேலும் படிக்க இங்கே அழுத்தவும்

வன்னியில் விடுதலைப் புலிகளின் தலைவர் வாழ்ந்த வீட்டிற்கு வேறொருவர் உரிமை கோரல்

தமிழீழ விடுதலைப் புலிகளின் தலைவர் வேலுப்பிள்ளை பிரபாகரன் இறுதியாக வாழ்ந்த வீட்டிற்கு நபரொருவர் உரிமை கோரியுள்ளதாக சிறிலங்கா படைத்தரப்பு தெரிவித்துள்ளது.

வவுனியா அகதி முகாமில் தங்கியிருக்கும் நபரொருவரே குறித்த வீட்டுக்கு உரிமை கோரியிருப்பதாக படைத்தரப்புத் தகவல்கள் தெரிவிக்கின்றன.

கிளிநொச்சி, விஸ்வமடு தர்மபுரத்தில் அமைந்துள்ள இவ்வீடு தமது உடமை எனவும், இவ்வீட்டை தமிழீழ விடுதலைப் புலிகள் எட்டு வருடங்களுக்கு முன்னர் பலவந்தமாக சுவீகரித்துக் கொண்டதாக அவர் தெரிவித்துள்ளார்.

ஒரு ஏக்கரில் அமைந்துள்ள இவ்வீட்டைச் சுற்றி பாரிய பதுங்கு குழிகள் காணப்படுவதாகத் தெரிவிக்கப்படுகின்றது.

அதேவேளை, விடுதலைப் புலிகளின் தலைவர் வேலுப்பிள்ளை பிரபாகரன் இறுதியாக வாழ்ந்த வீடு குறித்த நபருக்கு சொந்தமானது என பிரபாகரனின் மெய்ப்பாதுகாவலர் ஒருவர் உறுதிப்படுத்தியுள்ளதாக படைத்தரப்பு குறிப்பிட்டுள்ளது.

தற்போது படைத்தரப்பின் தடுப்புக் காவலில் தடுத்து வைக்கப்பட்டுள்ள இந்த மெய்ப்பாதுகாவலர், இவ்வீடு பணம் கொடுத்துக் கொள்வனவு செய்யப்பட்டது எனவும், பலவந்தமாகக் கைப்பற்றப்படவில்லை எனவும் தெரிவித்துள்ளார்.

இந்நிலையில், தடை செய்யப்பட்ட பயங்கரவாத அமைப்பின் உறுப்பினர் ஒருவருக்கு சொத்துக்களை விற்பனை செய்வது சட்டத்திற்கு முரணானதென குறிப்பிட்டுள்ள படைத்தரப்பினர், குறித்த நபரிடம் விசாரணைகளை மேற்கொண்டு வருவதாகத் தெரிவிக்கப்படுகின்றது.

இவ்வீட்டுக்கு அண்மித்த பகுதிகளில் 60 விடுதலைப் புலிகளின் முகாம்கள் அமைந்திருந்ததாகக் குறிப்பிட்டுள்ள படைத்தரப்பினர், தற்போதும் இவ்வீட்டை தமது கட்டுப்பாட்டின் கீழேயே வைத்துள்ளனர்.

இதேவேளை, பொதுமக்களது வீடுகள் விரைவில் உரிய உரிமையாளர்களிடம் ஒப்படைக்கப்படும் என சிறிலங்காப் படைத்தரப்பினர் அறிவித்துள்ளனர்.

நன்றி : பொங்குதமிழ்

என்னதான் நடந்தது ராஜபக்ச சகோதரர்களுக்கும் சரத் பொன்சேகாவுக்கும் இடையில்? பரபரப்பான தகவல்கள்

ம‌கிந்த‌ ராஜ‌ப‌க்ச‌ என்று அழைக்க‌ப்ப‌டும் ம‌கிந்த‌ பேர்சிவ‌ல் ராஜ‌ப‌க்ச‌ இல‌ங்கையின் ஜ‌னாதிப‌தியாக‌ 2005ம் ஆண்டு ந‌வ‌ம்ப‌ர் 18ம் திக‌தி தெரிவு செய்ய‌ப்ப‌ட்டார்.

அவ‌ர் அந்த‌ப் ப‌த‌விக்கு தேர்ந்தெடுக்க‌ப்ப‌ட்ட‌தும் வரவிருந்த யுத்தத்தை கருத்தில் கொண்டு இர‌ண்டு மிக முக்கிய‌மான‌ நிய‌ம‌ன‌ங்க‌ளை வ‌ழ‌ங்கினார்.

ஒன்று த‌ன‌து இளைய‌ ச‌கோத‌ரனான கோத்தபய ராஜபக்சவை பாதுகாப்புச் செய‌லாள‌ராக்கிய‌து ம‌ற்றொன்று ச‌ர‌த் பொன்சேகாவை இராணுவ‌த் த‌ள‌ப‌தியாக்கிய‌து.

1971ல் இராணுவ‌த்தில் சேர்ந்த‌ கோத்தபய ராஜபக்ச 20 ஆண்டுக‌ள் க‌ட‌மையாற்றி 1991ல் இராணுவ‌த்தை விட்டு வில‌கி அமெரிக்க‌ லொத்த‌ர் ஒன்றின் மூல‌மாக‌ அமெரிக்கா சென்று க‌ணினி வ‌ல்லுந‌ராக‌ 14 ஆண்டுக‌ள் ப‌ணியாற்றிய‌வ‌ர். தன‌து ச‌கோத‌ர‌னுக்காக‌ இல‌ங்கை திரும்பிய‌ கோத்த‌ப‌ய‌ ராஜ‌ப‌க்ச‌ பாதுகாப்புச் செய‌லாளர் ப‌த‌வியை ஏற்றுக் கொண்டார்.

அவ‌ரின் க‌ட்ட‌ளையின் ப‌டியே ச‌ர‌த் பொன்சேகா இராணுவ‌த் த‌ள‌ப‌தியாக‌ நிய‌மிக்க‌ப்ப‌ட்டார். 2005 டிச‌ம்ப‌ர் 6ல் தனது 55ம் வயதில் ஓய்வு பெற‌விருந்தார் ச‌ர‌த் பொன்சேகா. ஆனால் கோத்த‌ப‌ய‌ ராஜ‌ப‌க்ச‌தான் த‌ன‌து மூத்த ச‌கோத‌ர‌னான‌ ம‌கிந்த‌ ராஜ‌ப‌க்ச‌வை வ‌ற்புறுத்தி ச‌ர‌த்தை இராணுவ‌த் த‌ள‌ப‌தியாக்கிய‌துட‌ன் தொட‌ர்ந்து ஐந்து ஆண்டுக‌ள் அவ‌ருக்கு ஓய்வு பெறும் வ‌ய‌தையும் தாண்டி ப‌த‌வி நீட்டிப்பு வ‌ழ‌ங்க‌ கார‌ண‌மாக‌விருந்தார்.

அப்போது இராணுவ‌த் த‌ள‌ப‌தியாக‌விருந்த‌ மேஜ‌ர் ஜென‌ர‌ல் சாந்த‌ கொட்ட‌கொட‌ பிரேசில் நாட்டுக்கு தூதுவ‌ராக‌ அனுப்ப‌ப்ப‌ட்டார். ச‌ர‌த் பொன்சேகா இராணுவ‌த் த‌ள‌ப‌தியாக‌ நிய‌மிக்க‌ப்ப‌ட்டார்.

ச‌ர‌த் பொன்சேகா ஒரு சிற‌ந்த‌ இராணுவ‌ வீர‌ன் என்பதிலும் சிற‌ந்த‌ திட்ட‌மிட‌ல் த‌ள‌ப‌தி என்ப‌திலும் எல்லோருக்கும் ஒற்றுமையான‌ க‌ருத்து இருந்த‌து. ஆனால் வேறு சில‌ விட‌ய‌ங்க‌ள் தான் அவ‌ர் இராணுவ‌த் த‌ள‌ப‌தியாக‌ முடியாம‌ல் த‌டுத்த‌ கார‌ண‌ங்க‌ளாக‌ இருந்த‌ன‌. மேலும் படிக்க இங்கே அழுத்தவும்

பிறந்த நாள் பார்ட்டி – கலக்கல் காக்டெயிலுடன் கொண்டாடினார் த்ரிஷா..!

தனது பிறந்த நாளை காலையில் ஒருவிதமாகவும், மாலையில் வேறொரு விதமாகவும் கொண்டாடி மகிழ்ந்திருக்கிறார் நடிகை த்ரிஷா.


நடிகை த்ரிஷாவுக்கு நேற்றுதான் பிறந்த நாள். இந்த பிறந்த நாளை மிகவும் வித்தியாசமாகக் கொண்டாடியுள்ளார். சாதாரணமாக வெயில் காலத்தில் மழையடித்தால்கூட பார்ட்டி வைக்கும் கலாச்சாரத்தில் திளைப்பவர் த்ரிஷா. பிறந்த நாள் என்றால் விட்டுவிடுவாரா என்ன..?

நள்ளிரவே, வீட்டை அலங்கரித்து, பெரிய கேக் ஆர்டர் செய்து நண்பர்கள் மற்றும் தாயார் உமாவின் முன்னிலையில் நள்ளிரவு 12 மணிக்கு கேக் வெட்டி மகிழ்ந்தாராம்.

பொழுது விடிந்ததும், உதவும் கரங்கள் என்ற ஆதரவற்றோர் இல்லத்துக்கும் போய், அங்கிருக்கும் 400-க்கும் மேற்பட்ட குழந்தைகளுடன் சிறிது நேரம் செலவிட்டுள்ளார்.

மாலை தாஜ் கோரமண்டல் ஹோட்டலில் ஆடம்பரமான கலக்கல் காக்டெயில் பார்ட்டிக்கு த்ரிஷாவின் அம்மா உமா கிருஷ்ணன் ஏற்பாடு செய்திருந்தார். இதில் நடிகை ரம்யா கிருஷ்ணன், அவருடைய தங்கை வினயா கிருஷ்ணன், காஸ்ட்யூம் டிஸைனர் ப்ரியாமணிகண்டன், த்ரிஷாவின் நீண்ட நாள் பாய்பிரெண்ட் சிட்னி ஸ்லேடன் என்று த்ரிஷாவுக்கு நெருக்கமான நண்பர்கள், திரையுலகப் புள்ளிகள் பங்கேற்றுள்ளனர்.

பிறந்த நாள் குறித்து த்ரிஷா கூறுகையில், "வாழ்க்கையில் மறக்க முடியாத பிறந்த நாள் இது. 400 குழந்தைகளுடன் பயனுள்ள முறையில் இந்த நாளைக் கொண்டாடினேன். அதற்கு முன்பு என் அம்மா செய்த பிறந்த நாள் விழா ஏற்பாடுகளில் ஒரு இளவரசியைப் போல உணர்ந்தேன்.

இந்தப் பிறந்த நாள் பல வகையிலும் விசேஷமானது. தொடர்ச்சியான வெற்றிகள் ஒரு பக்கம் என்றால், இன்னொரு பக்கம் எனது முதல் இந்திப் படம் வெளியாகிறது. இதெல்லாவற்றுக்கும் மேல் கமல்ஹாஸனுடன் எனது முதல் படம் விரைவில் துவங்க உள்ளது...", என்றார்.

த்ரிஷாவுக்கு நமது வாழ்த்துக்களையும் தெரிவித்துக் கொள்வோம்..!

விஜய் டிவி சீரியலில் நதியா..!

தமிழகத்தில் ஒரு காலத்தில் சேலை, புடவை, ஜிமிக்கி, தோடு, மூக்குத்தி என்று சகலத்திலும் தனது பெயரை பதிய வைத்துவிட்டு குடும்பப் பெண்ணுக்குரிய அடையாளமாகத் திகழ்ந்த நதியா தற்போது தொலைக்காட்சி மூலம் அதே பெண்களை நோக்கி வருகிறாராம்..!

கடைசியாக நதியா நடித்த ‘பட்டாளம்’ திரைப்படம் சரியாகப் போகவில்லையென்றாலும், அதன் பின் நதியாவுக்கு அவருக்கு பிடித்தாற்போன வேடங்கள் வரவில்லையென்பதால் நடிக்காமல் இருந்தார். தொடர்ந்து படிக்க இங்கே அழுத்தவும்.

நயன்தாரா பிரபுதேவாவுக்கு காதல் பரிசாக அளித்த 1 கோடி ரூபாய்..!

இப்போதெல்லாம் லைப் பார்ட்னர் என்கிற வார்த்தைக்கு நிஜ பார்ட்னர்களாக இருப்பவர்களே மதிப்பதில்லை. அப்படியிருக்கும்போது கோயிங் ஸ்டெடியில் இருப்பவர்களிடம் நிஜமான காதலை எதிர்பார்க்க முடியுமா என்ன..?

முடியும் என்றிருக்கிறார் நயன்தாரா. எந்த முடிவை எடுத்தாலும் அதில் உறுதியாக இருப்பதில் உறுதியானவராக இருக்கிறார் நயன்தாரா. எத்தனை எதிர்ப்புகள், பேச்சுக்கள் வந்தபோதிலும் பிரபுதேவாவை லவ்வியதில் அவர் காட்டிய உறுதியைப் பார்த்து சக நடிகைகளே ஆச்சரியப்பட்டுவிட்டார்கள்.

தனது காதல் வெறுமனே ஸ்டண்டுக்காக மட்டுமே இல்லை என்று சொல்லும்படியாக தற்போது ஒரு நல்ல காரியத்தை பிரபுதேவாவுக்காக செய்திருக்கிறாராம் நயன்ஸ். தொடர்ந்து படிக்க இங்கே அழுத்தவும்

“நான் படித்த பள்ளி இதுவரை என்னை கெளரவிக்கவில்லை” – இயக்குநர் பாரதிராஜாவின் வருத்தம்..!

“நான் படித்த பள்ளி இதுவரையில் என்னை அழைத்து கெளரவிக்கவில்லை” என்று இயக்குநர் இமயம் பாரதிராஜா தனது வருத்தத்தைத் தெரிவித்துள்ளார்.

வருடந்தோறும் தொழிலாளர் தினமான மே 1-ம் தேதியன்று பெப்ஸி என்றழைக்கப்படும் திரைப்படத் தொழிலாளர் கூட்டமைப்பு சினிமா துறையில் சாதனை படைத்தவர்களுக்கு விருது வழங்கி கெளரவிப்பது வழக்கம்.

அந்த வரிசையில் இந்தாண்டுக்கான சாதனையாளர் விருதினை இயக்குநர் இமயம் பாரதிராஜாவுக்கு வழங்கியது பெப்ஸி அமைப்பு. இதற்கான விழா கடந்த 1-ம் தேதியன்று தி.நகர், நடிகர் சங்கத்தில் நடந்தது.

அப்போது விருதை பெற்றுக் கொண்டு பேசிய பாரதிராஜா, “நான் மிகவும் மகிழ்ச்சியுடன் இருக்கிறேன்.. என் வாழ்க்கையில் இது போன்ற மகிழ்ச்சியான நாள் இதுவரையிலும் இருந்ததில்லை. சினிமாவின் அனைத்துப் பிரிவுத் தொழிலாளர்களையும் உள்ளடக்கிய பெப்ஸி அமைப்பு எனக்கு அளித்துள்ள இந்த விருதை நான் இதுவரையில் பெற்றுள்ள விருதுகளில் முதல் விருதாக நினைக்கிறேன்..

நான் திரையுலகில் இத்தனை ஆண்டுகள் நீடித்து பல நல்ல திரைப்படங்களைக் கொடுத்து, சமூகத்தில் ஒரு நல்ல அந்தஸ்தில் பெயர் சொல்லும்படியாக இருந்தும் நான் பிறந்து வாழ்ந்த மண்ணில், எனக்கு கல்வியறிவு கொடுத்த நான் படித்த பள்ளி மட்டும் இன்றுவரையிலும் என்னை அழைத்து கெளரவப்படுத்தியதில்லை.

அதனால் தொழிலாளர்களாகிய நீங்கள் சாதனையாளர் என்று கருதி எனக்களித்துள்ள இந்த விருதை மிகவும் பெருமையாகக் கருதுகிறேன்..” என்று நெகிழ்ச்சியோடு குறிப்பிட்டார்

தமிழனா பொறந்திருந்தா, எனக்கும் பிரபாகரன்தான் ஹீரோவாகி இருக்க முடியும் : பிரகாஷ்ராஜ்

`என் தேசத்துமண்ணே!

உனக்கு என் ரத்தத்தை தருவேன்.

இந்தக் கலவலரங்களுக்குப் பின் மிச்சமிருந்தால்...`

அலி சர்தாரியின் கவிதையை ஞாபகப்படுத்தினார் வேலுப்பிள்ளை பிரபாகரன். இறந்தாரா இல்லையானு மர்மம் ஈழத்தமிழர்களைத் தூங்க விடாம பண்ணிட்டிருக்கிற நேரத்தில் பிரபாகரன் எனக்கு எப்படி தொடுவானம் ஆனாருன்னு யோசிச்சேன். நாம தொடணும் நினைக்கிற, ஆனால் தொடமுடியாத வானமா இருக்கு, வேலுப்பிள்ளை பிரபாகரனின் வாழ்க்கை. சரி, தவறு முடிவுகளைத் தாண்டி பிரபாரகனின் வாழ்வுக்கும் அர்த்தம் இருக்கு. மரணத்துக்கும் பெருமை இருக்கு.

கன்னடாதான் எனக்கு தாய்மொழி. இந்தியாதான் என் தாய்நாடு. இலங்கையில் தமிழனா பொறந்திருந்தா, எனக்கும் பிரபாகரன்தான் ஹீரோவாகி இருக்க முடியும். அடக்கு முறை உங்களை எந்தத் திசையில் செலுத்தும்னு யாருக்கும் தெரியாது. எல்லா வசதிகளோடும், வாய்ப்புகளோடும் வாழுற நமக்கு நம்பிக்கையான நாலுபேரை சேர்க்கிறது எவ்ளோ கஷ்டமா இருக்கு. ஆனா, பிரபாகரன் பின்னால் உயிரை துச்சமா மதிக்கும் பெரிய இளைஞர் கூட்டம் சேர்ந்ததுக்கு முக்கியமான காரணம், அவர்கிட்டே இருந்த அர்ப்பணிப்பு உணர்வுதான். ஒரு பேட்டியில் முதன்முதலா நான் அவரை கவனிக்க ஆரம்பிச்சேன்.

``புல்லைக்கூட மிதிக்கக்கூடாது நினைக்கிற அப்பாவுக்கு மகனா பிறந்து நீங்க, வன்முறையைக் கையில் எடுக்கலாமா?``னு கேள்வி கேட்கிறார் நிருபர். `புல்லும் துன்பப்படக்கூடாது`னு நினைக்கிறவருக்கு ஒரு பையன் எப்படி இருக்கணுமோ அப்படித்தான் நான் இருக்கிறேன்` என்பது பிரபாகரனின் பதில். சக மனிதர்கள் துன்பப்படும்போது அதைப் பொறுத்துக்கொள்ளாத இயல்புதான் அவரின் மாபெரும் கௌரவம். அதை சிந்தனையா மட்டும் வெச்சுக்காம உயிரைப் பணையம் வைத்து மக்களின் துன்பத்தை நீக்க போராடியது அவரின் பெருமிதம். குழந்தை இயேசுவை பிரதிபலித்த ஒரு முகம், முப்பது வருஷத்துக்குப் பிறகு, இயேசுவை சிலுவையில் அறைந்தவனின் கொடூர முகத்தை பிரதிபலித்ததுனு ஒரு கதை கேட்டிருக்கோம்.

துப்பாக்கி தூக்கி ஒரு வாழ்க்கை நடத்தணும்னு பிரபாகரனுக்கோ, ஆயுதம் தூக்கிய புலிகளுக்கோ பிறக்கும்போதே இலட்சியம் இருந்திருக்க முடியாது. என் அம்மா தீவிரமான கிறிஸ்டியன். இப்பவும் இயேசுவைத் தவிர அவளுக்கு வேற உலகம் தெரியாது. தலைவலி வந்தாலும் இயேசு கிறிஸ்துதான் முதல் டாக்டர். வாரம் தவறாம சர்ச்க்குப் போறதும், நாள் தவறாம பிரார்த்தனைப் பண்றதும் எனக்கு பழக்கமான விஷயம். நியாயமா நானும் தீவிரமான கிறிஸ்டியனா மாறி இப்ப வாரம் தவறாம சர்ச்சுக்கு போகவேண்டியவன். ஆனா, சின்ன வயசுல ஏற்பட்ட அனுபவங்களால், சர்ச் எனக்கு அலர்ஜியாகிடுச்சு. நான் படிச்ச கிறித்துவ பள்ளியில் எனக்கு பாடம் சொல்லிக்கொடுத்த சிஸ்டரை எப்பவும் பெரிய மூங்கில் குச்சியோடுதான் பார்த்திருக்கேன்.

என்னுடைய சின்ன சின்ன தவறுகளுக்கு அவங்களுடைய முரட்டு அடி, என் பாதங்களில் பட்டி உயிர்ப்போகிற வலி தெறிக்கும். அடிச்சவங்ளே, `அன்பான இயேசுவும் தூரமாகிட்டார். ஜெபமும் தூரமாகிடுச்சு. எனக்கு ஏற்பட்ட சின்ன சின்ன கசப்பான அனுபவங்களே என் கடவுள் நம்பிக்கை தீர்மானித்து, இப்ப வரைக்கும் சர்ச் மேல அலர்ஜி இருக்கு. நல்ல விஷயமோ, கெட்ட விஷயமோ எல்லாத்துக்குமே நாம சின்ன வயசில் கேட்டு வளர்கிற விஷயங்களுக்கு, நம்ம குணத்தைத் தீர்மானிக்கிற சக்தி உண்டு. காந்தி அதற்கு சிறந்த உதாரணம். துப்பாக்கி வெச்சிருந்த வெள்ளைக்காரங்களை காந்தி அகிம்சையால எதிர்க்கலையான்னு நிறையபேர் கேட்கிறாங்க. சின்ன வயசுல அரிச்சந்திரன் கதையைக் கேட்டு, `உண்மையை மட்டும் பேசுவது` என்று முடிவெடுத்தார் காந்தினு படிக்கிறோம்.

ஒவ்வொருத்தரோட பால்ய வயதில் எந்த விஷயம் பாதிக்குமோ அதுவாகவே மாறிப்போகிறதுதான் இயற்கை. உலகம் முழுக்க லட்சக்கணக்கான உதாரணம் இருக்கு. மனிதர்களை மாடுமாதிரி வேலிப்போட்டு அடைத்து கதற கதற அடித்து கொன்ற ஜாலியன் வாலாபாக் கொடுமையை நேரடியா பார்த்து வளர்ந்த ஒரு சின்னப் பையன் பகத்சிங்கா மாறத்தான் செய்வான்.

உலகத்துக்கு அது நியாயமா இல்லையானு விவாதிக்கலாமே தவிர, பகத்சிங் உருவாவதை யாரும் தடுக்க முடியாது. கேட்டு வளர்ந்த கதையே காந்தியைப் பாதிக்கும்போது, பிரபாகரன் பார்த்து வளர்ந்த துயரம் அவரைப் பாதிக்காதா? கண்ணுக்கு முன்னால ஒரு தவறும் செய்யாத கோயில் குருக்களை உயிரோடு எரித்ததைப் பார்த்த சின்னப் பையன் மனதில் வன்முறை விதைக்கப்படுவதை தடுக்க வேண்டியது யாருடைய பொறுப்பு? சாதாரண ஒரு ஃபுட்பால் மேட்சில் பிரான்ஸ் கால்பந்து வீரர் ஜிடேன், சக விளையாட்டு வீரரை தலையால் வன்மத்தோடு முட்டியதை நிறைய சின்னக் குழந்தைகள் பார்த்திருப்பாங்கன்னு அவங்ககிட்ட மன்னிப்பு கேட்டார்.

அந்த நிகழ்வால் பிள்ளைகள் மனதில் வன்முறை விதை விழும்னு உலகமே பதறுச்சு. `அக்கா, அக்கா`னு பேசிக்கிட்டிருந்த ஒருத்தியை சீரழித்து கொலை செய்கிற காட்சியை ஒரு சிறுவன் பார்த்தா என்னா ஆகுமோ, அதுதான் பிரபாகரன். ஒரு பிரபாகரனை ஜெயிக்கிறதுக்காக ஆயிரக்கணக்கான அப்பாவி மக்களை கொன்று குவிச்சிருக்கு இலங்கை அரசு. உலகமே வேடிக்கைப் பார்க்க, விலங்குகளைவிட மோசமாக வேட்டையாடப்பட்டார்கள் ஈழத்தமிழர்கள். அதை பல சின்னக் குழந்தைகள் நேர்ல பார்த்திருக்காங்களே நினைக்கும்போது ஈரக்குலை அதிருது.

இன்னும் நூறு பிரபாகரன்கள் உருவாக்கும் முயற்சியில் தொடர்ந்து ஈடுபடுகிற அரசாங்கத்தின் அதிகார அறியாமையை என்ன சொல்றது? `ரொம்ப கொடூரமான சர்வாதிகாரி பிரபாகரன்`னு சொல்றாங்க. இனவெறியில் யூதர்களை கொன்று குவித்த ஹிட்லர் இல்லை அவர். இன மக்கள் துன்பப்படும்போது அவர்களுக்காக கடைசிவரை களத்தில் நிற்க நினைக்கிற போராளி. தாக்குதல் அல்ல பிரபாகரனின் நோக்கம். தற்காப்பு மட்டுமே. பாம்பின் விஷம்கூட தற்காப்புக்கான ஆயுதமா மாறும். விஷம் கொடுமையானது என்பதில் கருத்து வேறுபாடு யாருக்கும் இல்லை.

சம உரிமையை இலங்கை தமிழர்களுக்கு உறுதி செய்திருந்தால் எதற்காக இந்த வன்முறை? தனிப்பட்ட மனிதனின் கோபத்தில் நியாயம் இல்லாமல் இருக்க எல்லா வாய்ப்பும் இருக்கு. ஆனால், ஒரு சமூகத்தின் மொத்த கோபமும் ஒண்ணு சேருதுன்னா, அதில் நூறு சதவீதம் நியாயம் இருந்தே தீரணும். அதை ஆதாரங்கள் தேடி நிரூபிக்க வேண்டிய அவசியம் இல்லை. ஈழத்தமிழர்கள் வெளிநாடுகளில் அடிமட்ட வேலைகள் செய்து சேர்க்கும் காசுல, பெரிய பங்கை தன்னுடைய போராட்டத்துக்கு அனுப்பறாங்கன்னா அதில் எப்படி நியாயம் இல்லாம இருக்கும்? ஆயுதம் தாங்கிய இயக்கம் எப்படி ராணுவம் மாதிரி எதிர்தாக்குதல் நடத்தலாம்னு கேட்கிறாங்க. அடிக்கிறதுதான் அராஜகம்.

திரும்பி அடிக்கிறது தற்காப்புதான். உலகம் முழுவதும் தன்னுடைய ராஜாங்கத்தை பரப்பி அதில் மன்னனா முடிசூடணும்னு நினைக்கிற வல்லரசு தோரணை பிரபாகரன்கிட்டயோ, அந்த போராட்டத்திலோ இல்லை. தன்னுடைய வேரை, அடையாளத்தைப் பாதுகாப்பதுதான் முதன்மை நோக்கம். அதில் வெறும் லட்சியவாதியாக மட்டும் இல்லாமல், தேர்ந்த செயல்வீரனாவும் இருந்தார் பிரபாகரன்.

சொந்த மண்ணில் வேரைக் காக்கும் போராட்டத்தில் இறந்து போறவங்களும் வேராகிடுறாங்க. கொள்கைக்காக, லட்சியத்துக்காக சாகவும் தயாரா கழுத்தில் எப்பவும் சயனைடு குப்பியோடு இருந்த பிரபாகரன் இப்பவும் எப்பவும் இளைஞர்களுக்கு ரோல்மாடல்தான். என்னுடைய மகன் உயிரோடு இருந்தால், பிரபாகரன் கதை சொல்லி, `உன்னுடைய ரோல்மாடலா அவ`னு சொல்ற அளவு நேர்மையான வாழ்க்கையை வாழ்ந்திருக்காரு. லட்சியத்துக்காக உயிரைத் துச்சமாக மதித்த சுபாஷ் சந்திரபோஸ், பகத்சிங், சுகதேவ் எல்லாமே நாம கேட்டு வளர்ந்த ஹீரோக்கள், பிரபாகரன் நாம பார்த்து வளர்ந்த ஹீரோ, ஒரு வேளை அவர் இறந்திருந்தால், அவரைபோன்றவர்கள் நம் கண் முன் இறந்துபோக சம்மதிச்சோம் என்பது நம்முடைய அவமானமே தவிர அவருக்கு அது வீர மரணம்தான்.

முப்பது வருஷத்துக்கு மேல் ஒரு இயக்கத்தை, அதுவும் உலகமே தடைவிதித்த ஒரு இயக்கத்தை கட்டிக் காத்ததும், வெற்றி பெற்றதும் சாதாரண காரியம் இல்லை. பிரபாகரனைப் போன்ற அர்ப்பணிப்பு உள்ள தலைவர்கள் பெற்றெடுக்கிற ஈரம், ஈழத்தமிழ் மண்ணுக்கு இருக்கிறதே பெருமையான விஷயம்.



-உயிர் கண்மணி